Circuit ..... in and as....

You must be kidding if you are an Indian and you don't know circuit !!
For everyone else: Sorry folks.... I felt this language suited the best.
--------------------------------------------------------------------------------------

CIRCUIT :Kya Hero …. Kaisa chal rahela hai sab?

HERO : sab theek hai yaar.

CIRCUIT :aur Heroine??

HERO : ------------------------------------------------

CIRCUIT :abhi samjha. Heroine k waaste aisa sookhela baigan maafik shakal banayela hai.

HERO : chhor na Circuit.

CIRCUIT :bol de bidu. Wo …. Bole to….. aisa type ka baat ko dil mien nahin rakhne ka…khaali peeli bheje ka weight badhta hai. Chal bol. Apun tera friend hai re.

HERO : ------------------------------------------------

CIRCUIT : abe bol naa. Abhi saala apun ko nahin bolega to kisko bolega.

HERO : yaar…. Aaj mera career ka itna important screen test tha. Select ho jaata to career kahan se kahan pahuch jaata. Last round tak select hua.

CIRCUIT : (mouth wide open) Phir….

HERO : phir nahin hua naa.

CIRCUIT : (ghoda haath mein) tu naam bol us screen-tester ka. Abhi saale ko 6/1 se 2/3 karta hai apun.

HERO : nahin yaar…. Usko main nahin pasand aaya hoonga. Rehne de. Baat wo nahin hai.

CIRCUIT : To phir…..? abe itna time kyun leta hai tu….. express mein bol naa.

HERO : bolne do naa yaar. Hadd hai. Select nahin hua to dukhi to hoonga naa. kitne din se mehnat kar raha tha. saara kaam-dhaam chhor ke. Sab khatam hone k baad usko fone kiya…. Socha ki thora baat karoon…apna dukh baatoon….bol…kuchh galat kiya?

CIRCUIT : nahin

HERO : aur fone par kya sunta hoon….ki uska kisi friend k saath jhagda ho gaya hai…. Wo bahut dukhi hai….main select nahin hua…isse koi matlab nahin hai. Apni friend ki padi hai. Ye kya baat hai.

CIRCUIT : Abe bas itni si baat??

HERO : itni si baat nahin hai yaar. Ye to ek episode hai. Baar baar aisa hota hai. More often than not…jab bhi I needed her…. Wo nahin thi.har baar uski apni problems rehti hain. Har baar usi ko shikayat rahti hai ki time nahin de paa raha hoon. Mere bare mein kyun nahin sochti wo. Mujhe nahin chahiye aisa relation. Main akela hi theek tha yaar. At least kisi se kuchh expect to nahin karta tha. Kya zaroorat thi saala ye sab mein padne ki.

CIRCUIT : tu ne baat ki usse?

HERO : mujhe nahin karni. Nahin chahiye kuchh.

CIRCUIT : a hero… tu wo saala …… over-react kar rahela hai. Ek baat bata…. “I love U” bolne ka pehle itna socha tha?

HERO : tab ki baat aur thi circuit. Tab to…

CIRCUIT : apun ka question ka answer de. Socha tha itna ??

HERO : nahin

CIRCUIT : to phir ab kyun soch raha hai? Jab saala sochne ka time tha tab to sapno mein udi maar rahela tha. Abhi saala jab real mein aaya to baith k ro raha hai.

HERO : lekin…

CIRCUIT : apun abhi finish nahin huela hai. Sun chup-chap. Ye jo tu baniye ka maafik len-den ka baat kar rahela hai naa… ‘usne mujhko kya diya’…. ‘maine usko kya diya’ ….. abe dukaan khol k baitha hai kya? Apun yeda hoga… but love apun bhi kiyela hai….. ya bole to … apun ko bhi love huela hai. Apun Maria ko love karta hai. Bas. Baat udharich khatam. Apun hisaab nahin lagaata hai ki Maria apun se kitna pyar karti hai ya Maria apun ko kitna ghanta time deti hai. Agar kal ko apun se 2 kidnapping miss ho gaya to apun kitna dukhi hoyega… lekin agar us time Maria bolegi mere ko jhumka la k de… to apun layega… 2 baar sochega nahin. Ek baat bolta hai apun… concentrate se sun-ne ka….. jis din tera khud ka…. Wo kya bolte hain tumlog ka language mein….. haan…. self….. jis din tera self uske self se upar aa gaya naa…. Tabhi samajh lena ki chemical nahin…. Mental locha ho gayela hai.

Kal agar Maria apun ko pehchaane bhi nahin naa… tabhi bhi apun usko utna hi love karega. Apun love karne se pehle naihn socha kuchh… he he …saala kuchh pata hi nahin chala tha ….. he he…… to phir kabhi nahin sochega. Arre maamu…GOD ne tumko dimaag aur dil alag alag diya hai….. to alag alag use karne ka. Sochne ka kaam dimaag ko karne de…. Dil ko sirf LOVE k waaste reserve mein rakhne ka. Phir koi locha nahin hoyega.

Tu ne ek baar socha ki wo kab se dukhi hogi? Ho sakta hai wo bahut din se dukhi ho aur tere ko kuchh nahin boli ho kaahe ki tera screen test kharab na ho jaye…. Socha tu aisa kuchh? Poochha usse kuchh?? Bas… idhar baith k question-question khel raha hai saala. Ye pyar nahin hai maamu. “I Love U” bolna bahut aasaan hai…. “I Love You” maintain karma bahut mushkil.

Tee-taa-taa-too-ti-taa-tee-taa-too-ti ……. Le baat kar usse.